影片
更多
2016-11-14
297 瀏覽
韓烤好耐之前試過一次，喺荃灣嘅軍事裝修那間。當時印象麻麻地，四個人食左千三蚊，但麻麻地飽。今次係事隔好耐再食韓燒，整體感覺都算唔錯。週日啱啱開店冇耐就冇乜人，但大概點半鐘左右就滿喇。店內面積就唔算話好大，但枱與枱距離都闊，唔會話好焗促。餐牌的話，係分左烤肉同熱食兩類，即係如如果唔食燒肉，都仲有其他野可以點。前菜有幾款，生菜都係任添，爐邊蛋同粟如果唔夠就要加錢。牛拼盤 $288/份（醬牛護心肉、降霜一口牛、和牛舌、醬醃牛肋骨肉）雖然網上見過有人話拼盤冇散叫咁好，但個人都係覺得拼盤冇點錯。一來唔洗好似我地咁計來計去邊樣抵，因為根本冇得計。二來我覺得如果拼盤嘅食物都咁啱係本身都想點嘅，就點拼盤冇死。店員話呢個拼盤係兩人份，如果你有3、4人的話，再散點幾款就啱啱好喇。醬牛護心肉：個人認為呢隻最好食！醬醃得啱啱好，唔會鹹，包埋生菜食，一流。護心肉帶好少好少脂肪，肉夠嫩。如果散叫都建議呢款降霜一口牛：其實個人就唔太鐘意燒牛柳粒，牛柳粒一般會比較雪藏，由於切得比較厚身，其實烤起上黎唔容易熟，但烤得太耐，基本上會濃得好快，而且肉質會韌，同食舊炭冇分別。呢個亦都無法幸免，不叫也可。和牛舌：牛舌黎講，呢隻
週日啱啱開店冇耐就冇乜人，但大概點半鐘左右就滿喇。
店內面積就唔算話好大，但枱與枱距離都闊，唔會話好焗促。餐牌的話，係分左烤肉同熱食兩類，即係如如果唔食燒肉，都仲有其他野可以點。前菜有幾款，生菜都係任添，爐邊蛋同粟如果唔夠就要加錢。
牛拼盤 $288/份（醬牛護心肉、降霜一口牛、和牛舌、醬醃牛肋骨肉）雖然網上見過有人話拼盤冇散叫咁好，但個人都係覺得拼盤冇點錯。一來唔洗好似我地咁計來計去邊樣抵，因為根本冇得計。二來我覺得如果拼盤嘅食物都咁啱係本身都想點嘅，就點拼盤冇死。店員話呢個拼盤係兩人份，如果你有3、4人的話，再散點幾款就啱啱好喇。
醬牛護心肉：個人認為呢隻最好食！醬醃得啱啱好，唔會鹹，包埋生菜食，一流。護心肉帶好少好少脂肪，肉夠嫩。如果散叫都建議呢款降霜一口牛：其實個人就唔太鐘意燒牛柳粒，牛柳粒一般會比較雪藏，由於切得比較厚身，其實烤起上黎唔容易熟，但烤得太耐，基本上會濃得好快，而且肉質會韌，同食舊炭冇分別。呢個亦都無法幸免，不叫也可。
和牛舌：牛舌黎講，呢隻算合格而已，因為日式燒肉用嘅牛舌真係腍好多。呢款牛舌燒起上黎會比較硬身，但由於係韓燒，又有醬料點住，又用生菜包住，就冇太大影響。
醬醃牛肋骨肉：呢隻都係推介的，size都幾大塊，而且肉都係好嫩，怕肥膏位嘅人可以點呢款。
醬醃豬梅頭肉 $78/250g 因為點左牛拼盤，又想食下豬肉，就追加呢隻平平地嘅梅頭豬。店員本身就推薦貴少少嘅有機自然豬柳。梅頭豬肉都唔錯，唔會話肥到唔想食。
辛辣海鮮湯飯 $78因為成日睇三時三餐，見到韓國人乜都放好多辣椒粉去煮，自己本身都算食得辣，所以叫個泡飯試試。飯用左個鐵碗裝，海鮮湯都係用傳統韓式煲仔裝住。雖然話係辛辣，但個人覺得唔係好夠辣，可能應番香港人口味做左調節。海鮮方面就以貝殼類為主，由於跟埋個白飯，我覺得都可以叫，順便拎啲送下燒肉。
其實食到呢個位我地都好飽了，因為中途追加左兩次生菜同一次前菜，食埋爐邊粟米同蛋。
我幾鐘意呢度嘅粟米冇加芝士而落左牛油，唔係唔鐘意芝士，而係有時食左咁多肉，再食啲芝士會膩。忌廉插柚子沙冰 $38
其實我覺得呢度嘅欲品真係幾抵飲，講開又講，琴日食左間韓國野，叫杯野飲要八十幾蚊，大佬加埋一俾你咪成舊水？唔捨得叫囉。
食完燒肉，飲番杯冰涼柚子冰，唔錯，柚子味濃。
整體黎講都算唔錯，推介護心肉同牛肋骨肉，飲品除左柚子冰，可以試下原個菠蘿冰。以上份量個人認為2-3人足夠。順帶一提，店員好有禮，雖然當時都full，但都照顧到每枱需要。
不過有一點留意，如果你好怕自己成陣油煙味，呢度係會有呢個問題，雖然有係抽風管，但唔算好強力，所以一離開都會聞到自己臭臭地。曾經幫襯過台灣一間烤肉店，廁所放左「熊寶寶」，我覺得幾貼心，但暫時喺香港冇見過有呢種。
張貼
