大發茶餐廳 (已結業)

很久没食打冷了，之前總會到太子食，個間大大間舖但慣例要排大隊和看没價單的餐牌; 這次嘗試這間在灣仔的大發茶餐廳，價錢比較貼地，晚市坐位一樣緊張，一坐低已經急不及待落單，食打冷我最愛是韮菜豬紅，蠔仔粥，大眼雞同花蟹，鵝腸鸭掌，鹵水拼盤同蠔餅等等..不過今晚得两條冷去打冷，只能試其中三幾道菜吧！韮菜豬紅韮菜爽甜，豬紅也非常嫩滑，好入味，應該是製作時已經調製好味道吧，雖然好熱，但也難以抗拒的用九秒九將佢清晒，真是想連汁都飲埋。大眼雞條魚都唔細，配埋自家豆醬汁，剝皮魚多肉少骨，打冷凍食就最啱，啖啖肉，好滿足。蠔仔粥蠔仔夠新鮮，最緊要是冇沙，配搭柴魚同冬菜，香葱芫茜等等，一大湯盅，又甜又香，兩個人竟然可以食晒，又暖又飽了。