響日本燒肉 (已結業)

響日本燒肉位於銅鑼灣渣甸街亨環二樓；主打兩小時和牛燒肉放題提供四款套餐唔同價位選擇最低三百幾蚊已經可以任食美國同埋澳洲和牛每枱入座奉送刺身拼盤包括三文魚、油甘魚、劍魚腩、北寄貝、八爪魚、帶子、甜蝦以及生蠔全部日本直送夠哂鮮甜；留意番只有三文魚、劍魚腩、北寄貝同埋八爪魚可以再次追加七十八品料理主打澳洲和牛肉眼以及薄炙澳洲和牛牛肋肉澳洲和牛肉眼肉質軟嫩而且油花細密；澳洲和牛西冷同埋牛舌同樣值得嘗試美國肉眼原件薄切質感緊緻細嫩同時肉汁豐富薄炙澳洲和牛牛肋肉口感柔韌而且油脂豐腴配搭醬油蛋黃濃郁甘香天婦羅有齊大蝦、番薯、南瓜、冬菇、茄子以及松葉蟹柳多款選擇；麵衣透薄經過油炸金黃酥脆同時唔會覺得油膩；炸物重點推薦紫芋圓；飽滿香甜而且咬落軟糯煙韌燒肉食太多可以點番個清湯豆腐鍋或者泡菜雜菌鍋中場休息下各種汽水以及紙包飲品全部任飲或者每位可以額外加四十八蚊升級啤酒以及清酒同埋紅白酒放題甜品淨係有MOVENPICK同埋DREYER’S兩大雪糕品牌任食已經夠晒吸引