影片
更多
2021-01-28
357 瀏覽
幫襯銘陽車仔麵都大半年了，最近佢哋搬咗嚟新舖位，一定會繼續支持！係舊舖嘅時候，有一次同老闆提及，如果可以加埋響鈴作為其中一款餸咁就好喇，老闆話會積極考慮...本來都以為講過就算，點知見到佢哋搬咗嚟新舖嘅時候，有一次再嚟幫襯，老闆一見到我已經認得我，話「我哋有響鈴喇」！呢件事印象好深刻，因為會聽食客意見嘅老闆真係唔多，佢哋真係好有心！入返正題，今晚放工之後好攰，獎勵自己叫咗8個餸，最鍾意佢嘅豬頸肉，軟硬度啱啱好；牛筋炆得好淋；響鈴總共有四條咁多，份量充足；其他仲有生菜、陳皮魚蛋、豬皮、午餐肉、辣木耳，餸菜嘅款式好多，每次食都有新意！佢哋嘅麻辣醬好香口，真係食過返尋味！咁有人情味嘅小店真係好值得多多支持！特別欣賞老闆對青年人嘅關心，就嚟新年，仲送咗揮春俾我呢！
係舊舖嘅時候，有一次同老闆提及，如果可以加埋響鈴作為其中一款餸咁就好喇，老闆話會積極考慮...本來都以為講過就算，點知見到佢哋搬咗嚟新舖嘅時候，有一次再嚟幫襯，老闆一見到我已經認得我，話「我哋有響鈴喇」！呢件事印象好深刻，因為會聽食客意見嘅老闆真係唔多，佢哋真係好有心！
12 瀏覽
1 讚好
0 留言
入返正題，今晚放工之後好攰，獎勵自己叫咗8個餸，最鍾意佢嘅豬頸肉，軟硬度啱啱好；牛筋炆得好淋；響鈴總共有四條咁多，份量充足；其他仲有生菜、陳皮魚蛋、豬皮、午餐肉、辣木耳，餸菜嘅款式好多，每次食都有新意！佢哋嘅麻辣醬好香口，真係食過返尋味！
豬頸肉
24 瀏覽
0 讚好
0 留言
21 瀏覽
0 讚好
0 留言
特別欣賞老闆對青年人嘅關心，就嚟新年，仲送咗揮春俾我呢！
張貼
