影片
更多
2009-12-04
26 瀏覽
唔係猛龍唔過江,台灣鼎泰豐搬左去尖沙咀之後,今日終於有機會一試。台灣鼎泰豐最出名係咩??小籠包??nono。芝麻包??nono。燉雞湯??nono。係著高叉裙既PR姐姐,不過係香港就算啦,食野吧。雖然香港既服務員係相貌比較平庸,但係服務真係好到得人驚,每位服務員有親切既笑容,服務呢一環真係要俾滿分佢。我地去到拎張飛等兩三個字就有位啦,等既時間仲已經睇埋餐牌,寫定食咩,一坐低就即刻落單,流水式操作。我地點了醉雞($68) ,小籠包($48),同燉雞湯伴面($58)。等左無幾耐野食就差唔多到齊,真係好高效率,我地一路坐服務員一直幫我地加茶,仲要好有禮貌,雖然我同女朋友覺得佢服務真係好,不過真係好唔慣,哈哈。醉雞,差唔多每枱都食,食落口ok,酒味很香,如果雞肉嫩一點更美好。小籠包就真係好似天氣咁不似預期,無想像中咁神級,而且要第一時間食曬佢,因為凍得快。食第一粒要"呵"下佢,第二粒可以份兩啖食,第三粒已經可以一口咬左佢,突然間對本店有d失望添。至於燉雞湯面,建議大家都係分開湯同面嚟食啦,佢地唔係好夾,不過湯就真係好飲,但比台灣店失色。食曬未夠飽所以決定嚟多兩個包啦,當我仲望緊張單,諗下點咩食
台灣鼎泰豐最出名係咩??小籠包??nono。芝麻包??nono。燉雞湯??nono。係著高叉裙既PR姐姐,不過係香港就算啦,食野吧。雖然香港既服務員係相貌比較平庸,但係服務真係好到得人驚,每位服務員有親切既笑容,服務呢一環真係要俾滿分佢。我地去到拎張飛等兩三個字就有位啦,等既時間仲已經睇埋餐牌,寫定食咩,一坐低就即刻落單,流水式操作。我地點了醉雞($68) ,小籠包($48),同燉雞湯伴面($58)。
等左無幾耐野食就差唔多到齊,真係好高效率,我地一路坐服務員一直幫我地加茶,仲要好有禮貌,雖然我同女朋友覺得佢服務真係好,不過真係好唔慣,哈哈。醉雞,差唔多每枱都食,食落口ok,酒味很香,如果雞肉嫩一點更美好。小籠包就真係好似天氣咁不似預期,無想像中咁神級,而且要第一時間食曬佢,因為凍得快。食第一粒要"呵"下佢,第二粒可以份兩啖食,第三粒已經可以一口咬左佢,突然間對本店有d失望添。至於燉雞湯面,建議大家都係分開湯同面嚟食啦,佢地唔係好夾,不過湯就真係好飲,但比台灣店失色。
食曬未夠飽所以決定嚟多兩個包啦,當我仲望緊張單,諗下點咩食既時侯,服務員居然主動送上一本menu,反應極快,真係抵讚。我地多點了一個芝麻包($18)同荔芋包($15),因為即蒸所以要多等十五分鐘。好啦,熱騰騰既包到啦,可惜服務員唔小心跌左一個包落地,不過佢都好唔好意思,話即刻做過俾我地,佢咁有禮貌,我地都唔同佢計較啦,等多幾分鐘有得食。兩個包真係拎返唔少味道分呀,兩個包都好軟,芝麻包唔會好甜,好香,好味,荔芋包更加讚,色香味都一流~~口感very good。
走既時候仲可以聽到好多人同你講"謝謝,慢走",haha
張貼
