Mr. Mix 丼丼丼

營業中

休息中

話說前排喺九龍灣揾到間隱世滋味漢堡，原來同一個廚房仲有另一個品牌，係賣日式丼飯嘅。由於從未試過呢間，穩穩陣陣叫咗個火辣泡菜安格斯西冷丼($64)，仲加咗隻溏心蛋 (+$8)。外賣返去，打開飯蓋慶幸仲係好有熱度，呢個泡菜丼嘅辣醬無其他韓式辣醬咁甜，好啱個人口味。而辣度方面，食開譚仔5小辣嘅我，覺得有啲刺激，但又唔會食到一半頂唔順。薄切西冷夠晒軟熟，亦充滿肉汁，唔會失望，不過暗地希望可以煎燶少少，咁就再香口啲。另一個驚喜喺隻溏心蛋，其實好少食呢種蛋，所以唔識比較，但就好享受佢半熟嘅蛋汁。如果五個「丼」為滿分，我今次會畀「丼丼丼丼」佢。