影片
更多
2021-11-02
193 瀏覽
餐廳：佳牛美酒 (銅鑼灣)地址：銅鑼灣銅鑼灣渣甸街66號亨環7樓呢間喺我一間食過番尋味嘅餐廳——佳牛美酒 @niceyakinikufinewine 🐮，對上一次食過佢哋嘅A La Carte Menu之後就愛上佢哋嘅和牛，今次決定好好獎勵吓自己，畢竟開始返工之後都好似無咩點善待自己🙈一個人去食飯其實又有咩好怕喎😌，餐廳嘅店員真喺好Nice，尤其喺幫我燒嘢食嘅靚仔哥哥仲認得我😆，除咗一邊幫我燒食物、介紹食物比我認識之外，仲不時同我傾偈，令我成餐飯不感寂寞🥰今次叫咗「The Wagyu」嘅Set Dinner Menu，由前菜到甜品有九道菜式，承惠$1280，我承認價錢喺偏中上，不過我都不得不否認呢間餐廳嘅和牛喺我食過咁多間扒房/牛肉類最出色、最好食嘅一間🤩，所以呢個價錢絕對喺超值🤑✝️前菜拼盤今日嘅前菜有清酒浸蜆、小麥味噌配鮑魚同山椒醬配廣島蠔。蜆肉除咗有淡淡酒香之外🍶，仲食到蒜香同微辣嘅滋味🌶，一啲都唔腥👍✝️烤雜菜田園沙律配南瓜醬 以香烤嘅粟米芯、秋葵、車厘茄，配上新鮮嘅沙律菜同百香果，再用南瓜醬點綴🎃，半熟半新鮮，口感層次鮮明突出，餐廳連最普通嘅沙律都落足心思去整💕✝️極上和牛稀有部位
地址：銅鑼灣銅鑼灣渣甸街66號亨環7樓
呢間喺我一間食過番尋味嘅餐廳——佳牛美酒 @niceyakinikufinewine 🐮，對上一次食過佢哋嘅A La Carte Menu之後就愛上佢哋嘅和牛，今次決定好好獎勵吓自己，畢竟開始返工之後都好似無咩點善待自己🙈
一個人去食飯其實又有咩好怕喎😌，餐廳嘅店員真喺好Nice，尤其喺幫我燒嘢食嘅靚仔哥哥仲認得我😆，除咗一邊幫我燒食物、介紹食物比我認識之外，仲不時同我傾偈，令我成餐飯不感寂寞🥰
今次叫咗「The Wagyu」嘅Set Dinner Menu，由前菜到甜品有九道菜式，承惠$1280，我承認價錢喺偏中上，不過我都不得不否認呢間餐廳嘅和牛喺我食過咁多間扒房/牛肉類最出色、最好食嘅一間🤩，所以呢個價錢絕對喺超值🤑
✝️前菜拼盤
今日嘅前菜有清酒浸蜆、小麥味噌配鮑魚同山椒醬配廣島蠔。蜆肉除咗有淡淡酒香之外🍶，仲食到蒜香同微辣嘅滋味🌶，一啲都唔腥👍
✝️烤雜菜田園沙律配南瓜醬
以香烤嘅粟米芯、秋葵、車厘茄，配上新鮮嘅沙律菜同百香果，再用南瓜醬點綴🎃，半熟半新鮮，口感層次鮮明突出，餐廳連最普通嘅沙律都落足心思去整💕
✝️極上和牛稀有部位三款
今日安排嘅三款稀有和牛包括日本A5和牛牛翼板、日本A5和牛牛肩胛、澳洲和牛純血M9+牛小排🐂
🐮日本A5和牛牛翼板喺牛肩胛唯一較腍嘅部位，運動量較大，肉質幼嫩好有彈性，充滿密密麻麻嘅細筋同均勻嘅霜降油花，有自然嘅濃肉香，鮮甜多汁💦。佢嘅綿、滑、油脂香、多汁，配上酸汁同wasabi ，口感紮實極似食緊吞拿魚🤣🐮日本牛肩胛喺牛膊頭同頸之間嘅肉，食落有鹹香牛肉味，愈咬得耐牛嘅羶香味愈滲得多出嚟🐂，蘸埋餐廳自製嘅燒肉醬仲為牛肩胛帶嚟甜香味，balance咗牛肉嘅味道，味道層次提昇咗唔少
🐮澳洲和牛純血M9+牛小排
先燒半成熟，拎上碟加燒肉汁，邊醃邊比牛肉自己熟成一陣，再放上爐燒第兩次🔥，食落有少少焦脆口感，亦喺我覺得三款牛肉入面最濃味嘅一款😋
✝️廚師精選海鮮
可以揀帶子或者虎蝦，我就揀咗有成隻手掌咁長嘅香茅大虎蝦🦐，先用香茅堆入蝦殼同殼肉中間，醃製完再拎去燒，食落除咗啖啖肉厚爽口嘅蝦肉之外仲有濃濃嘅香茅味，夠晒惹味，蝦殼仲預先起咗大部分，食起上嚟夠晒方便，蝦腸仲清得好乾淨👍
✝️蔬菜拼盤及牛骨清湯食完三款牛同大虎蝦，店員送上蔬菜拼盤同牛骨清湯🍲，翠玉瓜同大菇燒香後加入酸汁同木魚花；
牛骨湯好順口，可以清一清口腔，喺一個好好嘅中場休息，準備食之後嘅皇牌牛肉😍
✝️炭燒澳洲和牛純血M9+西冷
澳洲人用日本人飼養和牛嘅方法養出澳洲和牛🇦🇺，後嚟又從中培育咗罕見嘅百分之百純正日本血統和牛，即「純血和牛」，數量喺澳洲和牛中嘅百分之一，而呢款M9+西冷算喺澳洲出口最高級別嘅牛肉。
餐廳用備長炭燒香約3cm厚嘅西冷，肉嘅兩邊啱啱好燒熟，而中間紅嫩多汁，火候掌握恰到完美🔥，肉同油香平衡到極致🤤，肉質有彈性一咬爆汁，非常入味，就咁食唔加任何調味已經無得頂，可以話喺我人生入面食過最正嘅和牛😻，除非有人再介紹我食更好嘅牛肉，否則佢暫時喺我嘅No.1🥇
✝️日本A5和牛配溫泉蛋飯
用一整片燒香咗嘅薄切日本A5和牛放喺蓋飯上再冚蓋，就好似我哋平時食嘅蛋包飯咁，牛肉香透過熱力滲透入飯之中♨️，再打勻溫泉蛋加入飯裡面🥚，唔該可唔可以比多碗飯我😆
✝️牛筋蔬菜包
韓式腩肉生菜包或者泰式肉碎生菜包就食過，用生菜包住啱啱食完嘅澳洲和牛純血M9+西冷筋部西式食法我都喺第一次試🥬，加入埋柚子味噌、蒜片🧄、青辣椒三種配料一啖放入口，所有材料嘅配合令牛筋食起上嚟一啲都唔膩，原來呢樣都喺餐廳老闆嘅至愛之一呢😜
✝️特式甜品
最後食埋雲呢拿雪糕🍨，配埋酸酸甜甜嘅桂花蜜糖車厘茄一齊食，呢餐真喺好perfect😚，好有滿載而歸嘅感覺，一定一定會再返嚟encore！
張貼
