阿久根和牛立燒店 (已結業)

旺角白布街有間燒肉舖，我誠意推薦比大家。佢麻雀雖小但五臟俱全，裏面有獨立嘅燒烤爐，仲有獨立嘅抽氣系統。我同朋友點左個風味和牛定食，有胸腹肉兩塊、肩胛一塊同肉眼A4一塊，前菜每人$8位，有件師傅炮製嘅芝士卷物壽司同埋冰頭漬添，原來冰頭漬即係三文魚鼻骨嘅位置，非常罕有，食落去有軟骨嘅感覺，薄身得來又脆脆地，好特別。順帶一提只要在社交平台上分享他們的相片，即可獲得玉子燒一客呢。定食來到的時候有湯同埋沙律，麵豉湯裏面居然有大蜆，令人驚喜非常。另外沙律菜好新鮮，加上胡麻沙律醬，好有日式風味。另外日式飯上面加上日本香鬆，又香又脆，為白飯添上口感，可口非常。燒爐打開咗之後慢慢將肉烤好，不消2分鐘肉就可以吃了，由於是和牛，入口非常有肉香，配上桌上的香料粉，可以慢慢品嚐，若用來送清酒，相信亦是一個好的配搭。