牡蠣酒場 (已結業)

約左舊同事飯聚， 記得佢以前好like飛去日本食海鮮， 由其最愛食生蠔， 今次聚舊就揾間食蠔專門店。上網見到有間喺銅鑼灣Tower 535 嘅佐賀人氣燒鳥居酒屋牡蠣酒場， 將日本各地生蠔帶來香港， 今次就啱哂啦。去到餐廳， 店員有禮帶入座， 細心介紹各款日本生蠔味道， 口感如何。店員推介幾款生蠔北海道Maruemon令和之怪物北海道昆布森岩手廣田彎北海道仙鳳趾燒牛舌北海道Maruemon， 爽口， 海水味濃， 少creamy。令和之怪物， 果然係怪物， 同我隻手掌一樣大細， 以為咁大隻蠔， 味道一定麻麻， 點知係爽口， 海水味重， 非常新鮮。北海道昆布森， 呢款朋友推介要食， 果然無介紹錯， 夠肥美， 海水味亦較濃， 比前2款更Creamy。岩手廣田彎， 爽口清甜， 清新。北海道仙鳳趾， 蠔味較重， 亦較Creamy。燒牛舌，食完5款生蠔， 再點個熱食燒牛舌， 牛舌厚切， 好林好軟， 非常入味， 牛味濃， 加少少檸檬汁就中和返d油份。餐廳重有好多款新鮮生蠔， 下次一定要食哂佢。