麵道 (已結業)

位於石門站既麵道，港鐵站一出黎就係隔離非常方便。呢間拉麵舖係師傅自己用心親身經營，呢次幫襯既經歷好感受到呢個舖頭既誠意，無論係服務定係食材上。老闆好用心親自將每一道菜送上，並且會叫我地慢慢享用，又好有禮貌，好感受到佢係帶住一份感激謙卑既心去做生意。作為第一間舖，麵道係每一種食物上都唔敢馬虎，首先係本人覺得非常抵既小食套餐，$38就有小食前菜加飲品，飲品仲有一個特別製日本既whisky飲品，愛酒之人必點！！呢到既雞翼同樣以酒為材料，食落非常脆口而入味，肉汁爆滿，絕對屬中上級。講番主角拉麵，今次試左佢一個特別fusion既慢煮鴨胸拉麵同埋特盛海老拉麵，兩個都唔似一般港式拉麵，又稀又係用粉及醬溝出黎，而係真材實料。慢煮鴨胸不單只肉質鮮嫩，再加上少許既黑松露，佢湯既特色鮮味出曬黎。如果你唔鐘意黑松露既味道都唔洗怕，因為溝落去係完全唔覺。另外海老拉麵我極到建議大家叫特盛，貴$10就有多兩大塊非常肥美又腌得好味既叉燒(係比一般拉麵舖有誠意好多，總共4 塊)然後溫泉蛋係絕對既溏心，放係最後食一樣漏汁，真係正！！特製海老湯係我近幾年食拉麵香港比較有濃稠度既一碗，比得上日本質素，真心推介！！