江南庭敘 (已結業)

香港人鍾意打邊爐，今次間新開的中價位餐廳，首先必須要讚一讚呢間餐廳，服務好到不得了，非常到位貼心，推介亦都好岩我地心水! 乾淨新鮮的配料😳😳 鴛鴦湯底，沙嗲味好香好濃，清湯則很清甜。安格斯肥牛: 牛肉澄鮮紅色，肉味濃郁到位，脂肪比例極為均勻，為其增添油脂香，鮮味十足，質素甚佳。羊肉片- 味道好羶香好正，羊肉味極到位，同沙嗲味好夾，食完特別暖。雲吞 - 雲吞皮簿餡多，餡都很新鮮，蝦肉好鮮甜彈牙，比平時既普通野好食太多了。四寶丸: 鯪魚丸，牛肉丸，蝦丸，墨魚丸十級推介，平時打邊爐最期待間餐廳既自家手打肉丸，不過好多餐廳都無，難得呢間餐廳有offer，自家手打肉丸比起機打既一定係彈牙好多，肉味更濃，特別推介蝦丸，比平時既生猛新鮮既蝦肉更陣牙鮮甜，好有驚喜。薑茶黑芝麻湯圓 - 聽餐廳介紹，湯圓係自己整既，食落芝麻果然香d，個皮更加煙韌。