影片
更多
2017-05-08
1664 瀏覽
打工仔, 搵錢唔多, 但又鍾意食野, 間唔中都會花費多少少, 食好少少, 對自己好啲啲, 呢晚就同朋友BOOK左位食高級鐵板燒料理, 佢話食過翻尋味, 朋友一向識飲識食, 佢推介既梗係信啦!我地揀左個睇落最抵食既 和菊二人精選晚餐, 每人$1140, 鐵板燒類食物師傅會喺面前整, 保証新鮮衛生, 同一樣既食物, 會細心咁分開兩份, 擺喺靚靚碟度比我同朋友每人一碟, 店員仲會簡單講解下, 感覺好尊貴。野菜沙律 - 先黎個沙律做頭盤, 蔬菜就無咩特別, 但個蟹肉真係唔錯, 鮮味到呢, 精神為之一振呀!!法國生蠔杯-超鍾意食生蠔, 估唔到食日式鐵板燒都有生蠔食, 仲要係法國生蠔, 驚喜, 味道係即開果隻, 好鮮好甜, 杯度仲有三文魚子同鵪鶉蛋黃, 呢個配搭又幾特別喎! 活伊勢海老配海膽忌廉汁 - 呢隻龍蝦睇住佢比師傅煮之前仲郁架, 夠晒鮮活呢, 煮好後擺得靚靚, 龍蝦肉味道超級新鮮, 個醬汁令成件事提升左, 超美味, 心情尤如去左外國度假, 吹著海風, 食住龍蝦....woo.....活鮑魚配鰹魚昆布汁 - 唔係講笑, 呢個鮑魚又係勁彈牙, 好味過去流浮山食果啲, 淨係個醬汁師傅精心配製,
我地揀左個睇落最抵食既 和菊二人精選晚餐, 每人$1140, 鐵板燒類食物師傅會喺面前整, 保証新鮮衛生, 同一樣既食物, 會細心咁分開兩份, 擺喺靚靚碟度比我同朋友每人一碟, 店員仲會簡單講解下, 感覺好尊貴。
野菜沙律 - 先黎個沙律做頭盤, 蔬菜就無咩特別, 但個蟹肉真係唔錯, 鮮味到呢, 精神為之一振呀!!
法國生蠔杯-超鍾意食生蠔, 估唔到食日式鐵板燒都有生蠔食, 仲要係法國生蠔, 驚喜, 味道係即開果隻, 好鮮好甜, 杯度仲有三文魚子同鵪鶉蛋黃, 呢個配搭又幾特別喎!
活伊勢海老配海膽忌廉汁 - 呢隻龍蝦睇住佢比師傅煮之前仲郁架, 夠晒鮮活呢, 煮好後擺得靚靚, 龍蝦肉味道超級新鮮, 個醬汁令成件事提升左, 超美味, 心情尤如去左外國度假, 吹著海風, 食住龍蝦....woo.....
活鮑魚配鰹魚昆布汁 - 唔係講笑, 呢個鮑魚又係勁彈牙, 好味過去流浮山食果啲, 淨係個醬汁師傅精心配製, 已經win左啦! 好想黎多一件!
和菊煙燻北海道帆立貝 - 帆立貝刺身食得多, 呢個真係未食過, 佢係半刺身狀態, 煎左表層, 再放落菊花煲裡面焗, 其他餐廳通常用煙薰, 菊花薰係第一次, 比一般smoky味更吸引, 陣味好清新, 成件事唔同左, 帆立貝好多汁好滑呢!
法國鵝肝伴意大利黑醋汁 - 呢個餐單真係好啱我口味, 鵝肝又係我好鍾意既野, 用鐵板燒整, 感覺特別美味, 熱辣辣香噴噴入口即溶, 而且又無油淋淋。
近江A4和牛西冷 - 和牛西冷唔同一般西冷牛扒, 一啲都唔會靭, 而且切到細細粒, 一啖一粒更加係容易食, 肉味香濃, 再食埋啲蔬菜, 件南瓜同蕃薯又幾好食喎, 食得出係靚貨黎。
最後有個蟹湯, 炒飯同埋雪糕, 個蛋飯好有鑊氣, 粒粒分明, 口感一流, 用白飯魚黎炒, 幾有風味, 簡簡單單已經好食! 雪糕就係櫻花味, 勁特別, 出面好少見, 想食都買唔到, 陣花味輕輕地, 食落仲有啲粒粒, 感覺好似真係食左櫻花咁, 好得意!
食完呢餐嘅感覺係非常美妙難忘, 雖然價錢唔係平, 但絕對係物有所值, 質素之高我以為自己去左中環區, 不過中環區應該要2千蚊埋單啦,元朗其實都真係幾好!
張貼
