鳳城酒家 (已結業)

上年舅父生日我同老公，表弟揀左間西餐同佢慶祝，結果被佢地邊食邊挑剔😅我地決定以後同長輩們食飯都係揀返中菜，唔駛驚又俾佢地彈。🙈今年我地揀左呢間位於太子嘅鳳城酒家。鳳城酒家係一間順德菜館，亦有好多款出名嘅粵菜。我地早一個星期已訂枱亦訂了三款需預訂嘅菜式: 金錢雞，家鄉釀鯪魚同八寶鴨。另外我地點左小炒皇，瑤柱冬茸羹同一個菜。由於每碟小菜嘅份量都好多同埋已準備蛋糕飯後食，所以我地一行7人叫左6樣就已經好夠食。😁鳳城太子店因為係老店所以裝修都比較舊式，裝修，升降機同樓梯都好有老派酒家嘅風味。😆菜式比較特別，八寶鴨好大隻，涵料好多鴨肉煮得好軟腍，長輩們都可以不費力地享用。金錢雞其實我地都唔清楚果名嘅由來，只食得出完全冇雞肉成分。😂家鄉釀鯪魚好好味，外層香脆，鯪魚肉富有彈性，媽媽同舅父都好鍾意。👍其他小菜味道都唔錯，最後贈送綠豆沙係成鍋上。😋今次同長輩食飯終於冇人投訴，下次我地約佢地開餐都係揀中菜穩陣。😁