影片
更多
2018-07-11
47 瀏覽
今日放工去咗九龍城搵好嘢食，朋友介紹有間茶記都唔錯，所以一於去會一會佢！間餐廳招牌好大個都幾易搵！入到去見到卡位就想座低，不過店員都幾好，因為天氣熱，話門口無咁涼，叫我地轉入裡面，果然一轉都有不少座位。我地一坐低就睇吓有咩食，種類和選擇都幾多。心大心細嘅我一時之間都未諗到，但同行友人好快就揀咗個鐵板T骨扒！ 我就揀咗個椒鹽鮮魷，每個飯餐都有湯送！講起個湯，真心正！花生雞腳湯，唔會只係得味精味，每碗都有大量花生同一隻雞腳，十分足料。好快餸都黎喇，首先上菜嘅係牛扒，店員又再次展示細心，見我著緊白色衫，就話先放喺隔離枱加汁，避免彈到。未食就已經加哂分！ 本人對肉無乜要求，覺正正常常啦，份量都幾大份。之前就到鮮魷，呢個我同朋友都好快清咗，粉漿一啲都唔厚，魷魚又夠新鮮！ 好食過啲集團酒樓，又唔會食到成口油。食完未夠喉，想話叫多個菜。我地叫咗豆豉鯪魚炒油麥菜，不得了！咁大個女未試過食一碟豆豉鯪魚炒油麥菜的豆豉鯪魚會多到咁！有圖有真相，唔多講。總結小菜真心正，員工服務又細心！唔介意茶記嘅朋友可以黎試試MENU
間餐廳招牌好大個都幾易搵！
入到去見到卡位就想座低，不過店員都幾好，因為天氣熱，話門口無咁涼，叫我地轉入裡面，果然一轉都有不少座位。
我地一坐低就睇吓有咩食，種類和選擇都幾多。心大心細嘅我一時之間都未諗到，但同行友人好快就揀咗個鐵板T骨扒！ 我就揀咗個椒鹽鮮魷，每個飯餐都有湯送！
講起個湯，真心正！花生雞腳湯，唔會只係得味精味，每碗都有大量花生同一隻雞腳，十分足料。
好快餸都黎喇，首先上菜嘅係牛扒，店員又再次展示細心，見我著緊白色衫，就話先放喺隔離枱加汁，避免彈到。
未食就已經加哂分！ 本人對肉無乜要求，覺正正常常啦，份量都幾大份。
之前就到鮮魷，呢個我同朋友都好快清咗，粉漿一啲都唔厚，魷魚又夠新鮮！ 好食過啲集團酒樓，又唔會食到成口油。
食完未夠喉，想話叫多個菜。
我地叫咗豆豉鯪魚炒油麥菜，不得了！咁大個女未試過食一碟豆豉鯪魚炒油麥菜的豆豉鯪魚會多到咁！
有圖有真相，唔多講。
總結小菜真心正，員工服務又細心！
唔介意茶記嘅朋友可以黎試試
MENU
張貼
