MAZ Thai & BBQ (已結業)

呢幾日喺會展做展覽，順道又可以喺灣仔搵吓嘢食。今次朋友介紹了MAZ，座位有普通的，又有高枱，可以食吓小食，飲吓酒，吹吓水。沙爹串燒拼盤，拼盤的好處就係一次過滿足晒三個願望，豬、牛、雞全部齊晒，再加上沙嗲醬吃，仲有乜要求？？串燒不會攰，保留了本身的肉汁，尤其是豬，要給like。 鹽燒烏頭魚，外面用了大量海鹽包煮來燒，肉𥚃就放了泰式的各種香料，最重要係魚肉保留了本身的鮮味，也帶了海鹽和香料的香味，而且燒得剛剛好，值得一試。炒金邊粉，大蝦等材料炒成，伴以韭菜、芽菜、蛋碎、蝦仔、花生碎同青檸。食果時，先把青檸汁和花生一同和金邊粉撈起，味道酸酸地，幾開胃，足料唔駛好似尋寶咁搵啲配料。金邊粉炒得幾乾身。泰式汁煮新鮮澳洲藍青口，青口新鮮，份量多，配以泰汁的煮法，既入味，又保留了青口的鮮。澳洲藍青口鮮甜唔腥，口感較甘嫩。