海底撈火鍋 (九龍行)

營業中

休息中

朋友生日一行8人一定要預早訂位，訂了晚上8點，上到去見到企滿人等位，有坐係到飲茶食小吃等位，好彩我哋預早訂咗位唔洗等就有枱了。服務員先比個圍裙再拿了保鮮袋，濕紙巾，頭髮橡筋圈給我們用，介紹用ipad點餐，任飲(檸檬茶， 柑桔水，熱豆漿)每位要加$15，自助調味醬料每位$18 (隨你需要)。點了四格海底包括豬骨湯，糊椒湯，蕃茄湯底好夠味，麻辣湯是標準麻再加辣，可能我食得辣，第一啖食落口夠晒辣但唔會即刻上腦標汗口麻的感覺。我哋點了每人任飲，服務員會不停主動幫我們加飲品，各樣食物都新鮮，安格斯肥牛肉質夠滑，香菇貢丸和芝士牛丸好味，油條就唔夠脆，當灼蝦時，還主動話幫我們剝蝦殼, 服務真係好。因有朋友生日, 問過海底撈說不會加收切餅費，咁就買咗個蛋糕去到交比服務員，跟住會比回一個號碼牌你，到食飽就通知拿蛋糕給我們，我們通知拿蛋糕後，跟住就見到一個服務員拿住蛋糕行來，一個拿生日燈牌,一個拿住生果盆，一個拿住禮物，一齊唱住生日快樂，好好氣氛呀，朋友收到海底撈的生日禮物，打開來看是一包蕃茄湯底和一個保溫水樽，好開心好驚喜呀! 整體大家都好滿意，食物和服務都好好，如果下次有朋友生日也會來食，只要預早訂位