影片
更多
2008-12-24
286 瀏覽
11月29日, 晚上同阿媽慶祝生日, book咗坤記7:30, 開咗新舖都係咁多人, 我7:10已經到, 好多人都係book咗7:30, 如果冇book到真係不堪設想, 好彩7:30就有位俾我地~ 地方淺窄, 真係水洩不通…::: 豬骨煲 ::: $90有好多人叫, 又係招牌菜~ 最先黎到, 附送一碟生菜~ 材料都好多, 支竹, 粟米, 蘿蔔, 加7舊大大豬骨, 我地5個人食份量都好夠. 先飲啖湯, 超強胡椒味, 勁到嗆喉, 不過再飲多幾啖就飲到好鮮甜豬骨味~ 豬骨好大件, 味道都唔錯~ 其實可以叫d邊爐料碌, 不過我地想食煲仔飯多d, 唔想打邊爐打飽…::: 栗子雞煲 ::: $42黎到既時候仲有chichi聲, 真係好熱~ 係好香, 可惜成煲都係栗子, 雞肉少而且碎, 味道亦偏鹹…::: 腊味排骨飯 ::: $45等咗30分鐘先到既煲仔飯, 睇下有幾珍貴~ 如果以即叫即做既質素, 可以話係中下水準… 煲完既飯唔夠香, 飯焦又唔夠多, 仲有少少濕~ 腊腸腊肉亦冇蒸完嗰隻香味~ 排骨普通貨色, 多骨少肉…::: 窩蛋牛肉飯 ::: $38窩蛋牛都係有相同問題, 煲仔飯唔夠香… 牛肉肉
::: 豬骨煲 ::: $90
有好多人叫, 又係招牌菜~ 最先黎到, 附送一碟生菜~ 材料都好多, 支竹, 粟米, 蘿蔔, 加7舊大大豬骨, 我地5個人食份量都好夠. 先飲啖湯, 超強胡椒味, 勁到嗆喉, 不過再飲多幾啖就飲到好鮮甜豬骨味~ 豬骨好大件, 味道都唔錯~ 其實可以叫d邊爐料碌, 不過我地想食煲仔飯多d, 唔想打邊爐打飽…
::: 栗子雞煲 ::: $42
黎到既時候仲有chichi聲, 真係好熱~ 係好香, 可惜成煲都係栗子, 雞肉少而且碎, 味道亦偏鹹…
::: 腊味排骨飯 ::: $45
等咗30分鐘先到既煲仔飯, 睇下有幾珍貴~ 如果以即叫即做既質素, 可以話係中下水準… 煲完既飯唔夠香, 飯焦又唔夠多, 仲有少少濕~ 腊腸腊肉亦冇蒸完嗰隻香味~ 排骨普通貨色, 多骨少肉…
::: 窩蛋牛肉飯 ::: $38
窩蛋牛都係有相同問題, 煲仔飯唔夠香… 牛肉肉地都算唔錯. 另外煲仔飯豉油又冇乜味, 好似溝咗水咁…
其實有咁多人食真係有d莫名其妙… 出名既煲仔飯冇驚喜, 登龍街一定好過佢… 等我仲揀呢間同阿媽慶祝生日添… 如果唔駛等位平時黎食下晚飯都ok, 等位就no way… 仲有就係地方實在太窄, 好焗促~
張貼
