影片
更多
2008-06-03
20 瀏覽
5月8日, 同媽媽預早慶祝母親節~ 屋企人同埋呀比一行6人去揀左去新裝修完的阿拉麵館食上海菜. 平日去加上媽媽早到, 基本上7點幾都唔係好多人兼唔洗等位.::: 梅干菜烤肉蓋交飯 ::: $45即係梅菜扣肉吧... 好好味~ 梅菜弄得鹹中帶甜, 肉味香濃又無肥膩感. 飯粒濕潤又吸收左梅菜肉汁味. 成個飯真係好開胃~ 值得一試!!::: 糖醋小排骨 ::: $40真係好小~ 份量. 不過都好好味. 排骨肉質係實得黎容易咬開. 個糖醋汁好冶味. 冶味到媽媽係甘用個汁點其他野食! ::: 雞絲粉皮 ::: $40食上海野必叫! 呢度既雞絲粉皮算做得唔錯. 青瓜絲, 雞肉絲同麻醬都好足料. 麻醬鹹甜適中, 粉皮較厚身通透, 兩者混在口中真的太美妙了~ 美中不足是份量較少.::: 阿拉湯飽 ::: $35即係小龍飽! 外皮較乾身. 肉汁都算豐富. 但係就冇乜特別囉~::: 石頭窩海鮮炒飯 ::: $58望落好普通~ 但食落口感好豐富既炒飯! 窩邊同窩底都有少少飯焦, 烘到d脆脆地好好味~::: 蒜泥麻醬茄子靈芝菇 ::: $45呢樣係凍食既. 唔係好重蒜味, 麻醬加茄子靈芝菇個感覺就好似沙律甘.
::: 梅干菜烤肉蓋交飯 ::: $45
即係梅菜扣肉吧... 好好味~ 梅菜弄得鹹中帶甜, 肉味香濃又無肥膩感. 飯粒濕潤又吸收左梅菜肉汁味. 成個飯真係好開胃~ 值得一試!!
::: 糖醋小排骨 ::: $40
真係好小~ 份量. 不過都好好味. 排骨肉質係實得黎容易咬開. 個糖醋汁好冶味. 冶味到媽媽係甘用個汁點其他野食!
::: 雞絲粉皮 ::: $40
食上海野必叫! 呢度既雞絲粉皮算做得唔錯. 青瓜絲, 雞肉絲同麻醬都好足料. 麻醬鹹甜適中, 粉皮較厚身通透, 兩者混在口中真的太美妙了~ 美中不足是份量較少.
::: 阿拉湯飽 ::: $35
即係小龍飽! 外皮較乾身. 肉汁都算豐富. 但係就冇乜特別囉~
::: 石頭窩海鮮炒飯 ::: $58
望落好普通~ 但食落口感好豐富既炒飯! 窩邊同窩底都有少少飯焦, 烘到d脆脆地好好味~
::: 蒜泥麻醬茄子靈芝菇 ::: $45
呢樣係凍食既. 唔係好重蒜味, 麻醬加茄子靈芝菇個感覺就好似沙律甘. 茄子軟淋淋好好味. 但係有d靈芝菇就略嫌生左少少. 感覺怪怪...
::: 上海粗炒 ::: $48
麻麻地~ 好一般~ d粗炒得d色水, 食落係冇味既. 拌炒既椰菜有d硬, 同埋望落都唔新鮮… 而且整體有d油… 唔係好好食!
::: 麻辣湯麵 ::: $30
賣相認真麻麻!! D湯有泡既!! 好辣~ 一小滴湯汁已經好辣!! Menu上面都有2隻辣椒仔!! 除左辣都唔知有d乜野味~
呢度d野食唔貴, 樣樣細細碟仲可以試多d唔同既野~ 而且裝修完之後好有特式~ 又坐得幾舒服, 真係唔錯~
張貼
