影片
更多
2011-05-05
172 瀏覽
早排睇東周先知因為日本地震而令到好多好食既材料都漲價, 就連其他國家既同類型產品都影響到. 就好似我最鍾意食既鮑魚同魚生咁, 我真係好想知道南非既鮑魚......海南島既海膽.......挪威既三文魚, 佢地同日本有咩關係\ /”好啦, 既然大勢所催我唯有襯佢地未加得咁顛之前去食盡佢. 反正嚟緊母親節, 就早少少同阿媽去食餐好既.今次同女朋友帶左阿媽去食中菜, 見到報紙之前介紹過富臨飯店有啲為女士而設既健康菜, 價錢又好似OK, 返正唔係母親節正日, 所以去試下.佢地個啲原來係春季菜色, 我阿媽勁讚個松子龍躉球, 佢話炸龍躉肉再加左甜酸醬, 唔算油好好味.第二碟薑芽味菜炒鴿脯, 我覺得啱晒老人家呀, 因為冇骨^^ 酸酸甜甜,幾開胃. 不過我阿媽就借啲依係咁對住我地講話好酸好酸 (好恨有抱孫咩@@)第三碟夷果遼參海中寶 (用遼參、帶子、蝦粒、斑肉炒), 炒完出嚟重好鮮, 顏色賣相重好靚添第四碟咖喱雞粒洋葱焗蟹蓋,蟹蓋裡面有雞粒, 再加咖喱醬好惹味.好啦, 差啲講漏左本年度小弟出手最重既蟹肉竹笙翅=.=”, 個翅係上湯加蟹肉..雞肉.....金華火腿等等 (我食到既應該係呢幾樣), 係好正
好啦, 既然大勢所催我唯有襯佢地未加得咁顛之前去食盡佢. 反正嚟緊母親節, 就早少少同阿媽去食餐好既.
今次同女朋友帶左阿媽去食中菜, 見到報紙之前介紹過富臨飯店有啲為女士而設既健康菜, 價錢又好似OK, 返正唔係母親節正日, 所以去試下.
佢地個啲原來係春季菜色, 我阿媽勁讚個松子龍躉球, 佢話炸龍躉肉再加左甜酸醬, 唔算油好好味.第二碟薑芽味菜炒鴿脯, 我覺得啱晒老人家呀, 因為冇骨^^ 酸酸甜甜,幾開胃. 不過我阿媽就借啲依係咁對住我地講話好酸好酸 (好恨有抱孫咩@@)
第三碟夷果遼參海中寶 (用遼參、帶子、蝦粒、斑肉炒), 炒完出嚟重好鮮, 顏色賣相重好靚添
第四碟咖喱雞粒洋葱焗蟹蓋,蟹蓋裡面有雞粒, 再加咖喱醬好惹味.
好啦, 差啲講漏左本年度小弟出手最重既蟹肉竹笙翅=.=”, 個翅係上湯加蟹肉..雞肉.....金華火腿等等 (我食到既應該係呢幾樣), 係好正, 不過阿媽話有啲赤. (事旦啦, 冇你邊有我呀要食就唔好計^^)
其實富臨都幾有酒店feel架, 就好似點菜咁, 個侍應曾經提議過我有啲菜色係可以自選配料既, 不過當然係要做到出嚟啦, 只要係配搭到既話, 佢地都會盡量滿足. 雖然我冇叫到佢講嗰種fusion菜, 但係我又真係未聽過其他飯店有咁特別既服務, 都幾friendly呀^^張貼
