影片
更多
2008-09-29
29 瀏覽
是日為預祝阿K牛一，一如以往，我同佢一齊食番餐好嘅。今次嘅主題係鐵板燒，受較早前阿蘇嘅節目影響，我地去咗位於灣仔萬麗酒店嘅松菱食LUNCH SET。講起鐵板燒，除咗松菱之外，以前响銅鑼灣仲有一間千登世，年前結業後，變身成宜家嘅和三味，水準能否保持仲未考究。松菱係比較高消費場所，而且係日本食肆，銀碼驟眼睇起嚟一啲都唔平，但考慮埋食材嘅質素，真係物有所值。如果食LUNCH SET嘅話，咁就更加物超所值喇。响香港捨得食嘅人唔少，要食鐵板燒LUNCH SET，又要坐到好位置，一定要預約了。我地嗌咗一客「松」SET、一客「梅」SET及一客SASHIMI。「松」SET係最豐富嘅，包括大蝦、日本和牛、三文魚、炒野菜和炒飯(或炒麵)；「梅」SET冇咗海鮮，牛肉轉用美國牛肉。阿K唔食牛，轉用黑豚肉，價錢都係一樣。今次我稍為失策，食日本和牛，竟然叫口咗薄切。和牛肉質嫩滑但肉味不濃；相反美國牛味濃但肉質冇和牛咁嫩滑，所以食和牛應該厚切，美牛要薄切。不過唔緊要，和牛不愧為和牛，入口即溶，加上爆香咗啲蒜頭和蔥粒，令我食完一口又一口；黑豚肉選料也十分上乘，一點肉根都冇。三文魚本來唔係好食嘅品種，原本都不存厚望，果
我地嗌咗一客「松」SET、一客「梅」SET及一客SASHIMI。「松」SET係最豐富嘅，包括大蝦、日本和牛、三文魚、炒野菜和炒飯(或炒麵)；「梅」SET冇咗海鮮，牛肉轉用美國牛肉。阿K唔食牛，轉用黑豚肉，價錢都係一樣。今次我稍為失策，食日本和牛，竟然叫口咗薄切。和牛肉質嫩滑但肉味不濃；相反美國牛味濃但肉質冇和牛咁嫩滑，所以食和牛應該厚切，美牛要薄切。不過唔緊要，和牛不愧為和牛，入口即溶，加上爆香咗啲蒜頭和蔥粒，令我食完一口又一口；黑豚肉選料也十分上乘，一點肉根都冇。三文魚本來唔係好食嘅品種，原本都不存厚望，果然亦都冇比我任何驚喜;大蝦十分新鮮，有好多肉膏，師傅嘅手法乾淨利落，用牛油、一點清酒等做成嘅汁淋上蝦身再焗，十分入味，蝦肉亦好爽脆。炒野菜芽菜太多，我不明所以；炒飯就十分出色，炒出嚟嘅飯係一粒粒嘅。一邊品嚐美食，一邊欣賞師傅熟練嘅手法，純熟地將食材一一「玩弄」於股掌之中，真是賞心悅目。
本來我以為松菱出名嘅只係鐵板燒，原來SASHIMI同樣咁出色，主要係要歸功於買手選購食材高質素，尤其是劍魚肥瘦適中，我同阿K從未食過咁好食嘅劍魚，螺片亦十分爽脆，係一等貨式。其他如三文魚、牡丹蝦一般，其他地方都可輕易做到。
服務體貼，唯一要投訴就係食鐵板燒嘅地方比較窄，阿K連放手袋嘅地方都欠奉。「松」四百餘、「梅」一百二十餘、SASHIMI拼盤四百餘，連加一共一千一百幾。人均消費六百有找，如果換轉係晚飯，同樣食物人均可能要超過八百蚊一位了。
張貼
