影片
更多
2011-02-15
31 瀏覽
是日平安夜, 早3天已經致電al pasha book 位. 本身book 4人, 但因平安夜晚, 要23號或之前先去落訂. 22號已經打電話黎催我去落訂. 真的過份心急. (樓下打英文那位朋友話prior to 22dec book位有9折, 但侍應都沒有跟我說過!!!)當晚晚上去到落訂, 部長話我不肯定幾多人, 不如先落3人訂, 我話其實落4人到時只有3人到都可以在訂入面扣返, 但他就話不行. 可能集團式規矩特別多. 到24號晚上到去, 我話book 了3個依家5個人到. 由一個都幾高級的“老媽子”serve 我們. 她說我5個人來又不打來confirm. 我和她說當日落訂時個部長話落少點人數(當時老媽子都在場), 之後老媽子面有難色, 心煩氣燥般. 我心諗無理由book 了3個只可以比3個入座, 那另外兩個fd 怎辦呢, 再者無理由間鋪有錢都唔賺呀. 好在最後都安排到台給我們. 入去沿路佈置都非常別緻, 尤其一入門bar 台對出的2人位, 有點宮廷式的感覺. 我們坐張台都算幾大, 夠5人坐, 我相信應該換過台, 如果3人根本用不著這大台. 台上面還有帽, 哨子等飾物給我們玩, 真
當晚晚上去到落訂, 部長話我不肯定幾多人, 不如先落3人訂, 我話其實落4人到時只有3人到都可以在訂入面扣返, 但他就話不行. 可能集團式規矩特別多.
到24號晚上到去, 我話book 了3個依家5個人到. 由一個都幾高級的“老媽子”serve 我們. 她說我5個人來又不打來confirm. 我和她說當日落訂時個部長話落少點人數(當時老媽子都在場), 之後老媽子面有難色, 心煩氣燥般. 我心諗無理由book 了3個只可以比3個入座, 那另外兩個fd 怎辦呢, 再者無理由間鋪有錢都唔賺呀. 好在最後都安排到台給我們.
入去沿路佈置都非常別緻, 尤其一入門bar 台對出的2人位, 有點宮廷式的感覺. 我們坐張台都算幾大, 夠5人坐, 我相信應該換過台, 如果3人根本用不著這大台. 台上面還有帽, 哨子等飾物給我們玩, 真有氣氛.
平安夜關係, 每人最低消費$280 未計加一, 又或者叫2人set $788.
其實我們每人lunch 都食得幾飽的關係, 這餐真的不太食得落. 看過樓下食評都知人均消費係$200-250, 食$280 仲未計加一, 簡直難過登天, 心內已預料到會好飽.
所以我們都計到岩岩人均過$280就收手. 但都叫左好多野.
先來飲品, 我點左杯Guavatian (不知有否串錯)$68, 不過看名就知是guava juice 製, 我是熱愛guava juice 之人, 當然要一試guava 主題既cocktail.
是guava +pipeapple+…不記得什麼mix起. Guava 味強, 酒味都可以啦.新彊包
新彊包好軟熟, 又有少少甜味.配橄欖醬和雞肝醬, 好好味, 沙沙地的質感又帶點油香.
這個包原本$28, 但check 返張單之後先知原來是送的… 又要叫多樣野填數啦!
小食叫左幾樣.
先來涼拌豆腐
在$280x5 的budget 下, 再加食得不多的情況下, 當然要叫貴夾唔飽的菜式 (突然變得富貴). 豆腐是一個好選擇. 盛實$68試想像下, 一般情況下, 以$68 買下一專豆腐是多不明智呢. $30都嫌貴吧.
但又唔錯, 豆腐夠凍又夠滑, 汁甜甜地, 的確好開胃.
芝麻羊肉卷 $68
個皮好好味, 有點似酥皮般又好鬆脆, 外表鬆脆加上中間羊肉扎實的感覺, 真係絕配. 羊肉味不太重.三色魚卷$128
一味幾清的菜, 食了太多肉類, 是時候清一清腸胃.由於台面已經放滿餸, 所以侍應幫我們分開在碟上.
亦都是鬆脆的表層, 魚好滑, 會“扇”出來.
串燒叫了馳名羊肉串$50, 牛脷$65, 菇$40
羊肉串不夠羶, 我自問熱愛羊都只是食了一件而已. 可能太搶手給他們搶了.牛脷不錯, 有炭燒味, 好香! 汁都不錯, 雖然汁不太多, 但不會蓋過牛脷的牛味. 仲好軟腍.
菇好爽口又鎖住汁, 好juicy, 不過另一方面又可以諗串燒不就應該乾身的嗎.
酸辣鮮蝦大蜆湯(例)$168
有很大隻開邊大蝦, 朋友那碗就有很多蜆, 真的很足料
酸辣度中等, 可以接受, 湯底好鮮味!
最後來大盆雞$98同新彊啤酒鹿肉$108
大盆雞, 個盆好大. 但雞份量不多, 適合我們今晚細食人士但這味我自覺得不太特別, 雞肉不滑, 但汁不錯. 不懂形容. 我本身都不太鍾意食雞, 可能屋企經常食冰鮮雞食到我怕.
反而啤酒鹿肉不錯, 好大啤酒味, 都好入到鹿肉入面. 唯一不足是鹿肉都好鞋, 不過從未食過鹿肉, 可能鹿肉天生就是鞋都未定. 但無筋好易咬.
甜品都叫3款
拔絲士多啤梨$80. 又像泰豊廔一樣, 不是我們自己拔, 是侍應在隔離拔了再上碟
比想像中好味! 想不到配上士多啤梨的拔絲可以如此好味, 我覺得比香蕉同蘋果好食. 外層拔絲的糖衣配上酸酸的士多啤梨, 加上外層既炸粉厚厚硬硬, 一咬進去側立即變軟軟淋淋既士多啤梨.
而且士多啤梨多香蕉同蘋果多汁, 食起上黎唔會好口乾或過甜. 非常讚!
炸芝麻南瓜糯米滋拼玫瑰乳酪$60
南瓜糯米滋外面有芝麻炸脆. 糯米滋厚粉加煙韌. 南瓜咸不太多. 食糯米滋最鍾意食層煙煙韌韌的粉團, 所以都好岩我呢!玫塊乳酪比較稀, 食落真的有點花香味.
金瓜豆沙餅拼石榴雪糕$68
石榴雪糕第一次食, 我好鍾意石榴清新的感覺, 這個雪糕亦都無令我失望, 食落好有石榴的清新香味! 豆沙窩餅用個小籃裝住, 好日式呢. 一共兩件, 再開二, 即係有4份. 豆沙咸幾多. 餅皮都好好味, 夠煙韌, 可惜太油膩啦, 油到好似將整塊豆沙窩餅包住般. 食完成咀都很油.
食完真的超飽!!!
如果沒有最低消費, 我們這些縮骨怪應該不用$200都落樓, 因為不會叫野飲, 不會叫appetizer, 不會叫3款甜品. 不過今餐真的食得好盡興, 好過食buffet, 如果不是有時限的話簡直係perfect!
Dinner 分兩個session. 不過時間都比較奇怪, 18:00-20:30 時間太短和太早. 實在有點不捨得這餐和這間餐廳.
20:30走又太早, 20:45-2:00, 時間又太晚和太長, 真的叫人難以取捨. 但不竟這餐真係前所未試過這麼好食兼有特色.
張貼
