影片
更多
2008-06-16
12 瀏覽
記得某日專程去找這一間細小嘅車仔麵舖，响花園街入面轉來轉去都找不到。最後卒之有一次跟太座閒逛，先發覺原來就在火車站出口隔籬。真箇是"踏破鐵鞋無覓處"也...坐於高椅之上，嘆一碗三餸油麵。油麵不嬲係小弟吃車仔麵嘅鐵膽。不知怎的，總覺得嗰種滑溜嘅質感跟豬紅、魚蛋、豬腸等配料係份外相襯....例牌先試一口湯，皺了一下眉頭，委實是鹹了一點，且不夠清甜...配料倒是不俗 --- 豬腸夠淰亦無異味，若果腸中間帶點肥膏就更妙；蘿蔔亦頗淰身，但因嗦了大部份湯汁，吃落口亦係偏鹹；最出色係各位食友都有提過嘅豬紅，望落去不像平時吃到嘅四四方方嘅樣子，而是單長而偏身的，食落的確頗滑，有水準....麵嘅件頭對小弟一個血氣方剛嘅中年男人來講，當然係認真濕碎la....唔...下次睇怕要食夠兩碗先得....
坐於高椅之上，嘆一碗三餸油麵。油麵不嬲係小弟吃車仔麵嘅鐵膽。不知怎的，總覺得嗰種滑溜嘅質感跟豬紅、魚蛋、豬腸等配料係份外相襯....
例牌先試一口湯，皺了一下眉頭，委實是鹹了一點，且不夠清甜...
配料倒是不俗 --- 豬腸夠淰亦無異味，若果腸中間帶點肥膏就更妙；蘿蔔亦頗淰身，但因嗦了大部份湯汁，吃落口亦係偏鹹；最出色係各位食友都有提過嘅豬紅，望落去不像平時吃到嘅四四方方嘅樣子，而是單長而偏身的，食落的確頗滑，有水準....
麵嘅件頭對小弟一個血氣方剛嘅中年男人來講，當然係認真濕碎la....唔...下次睇怕要食夠兩碗先得....
張貼
