小樽駅日式放題料理 (已結業)

今日同朋友打完籃球，即興想食放題，於是上網搵間比較便宜又多好評既日式放題。坐低冇耐好快就有刺身食，真係有效率，而且跟足，最緊要啲刺身真係好新鮮，鐵板煎羊鞍果然系得獎，又香又好味，炸香芋丸咬落去，四個字，外脆內軟，味道香，外面好少有得食，炸海鮮卷好香好脆，燒菠蘿好甜，比個讚佢，半殼帶子貝燒得好靚，幾有誠意，惹味炒蜆十分惹味，微辣但好過癮，真系食完又想再食，炒牛柳粒好味，火候夠得黎炒到唔硬又唔刃。整體比我印象好好，冇漏單，食物好味，樓面服務周到，態度好，食物齊全，價錢便宜，真係抵，下次會再黎食。