十一茶屋 (已搬遷) 新店位置

年初二食完開年飯就係尖沙咀周圍逛，太耐冇行海港城LCX，原來開左間茶飲，見到佢display出黎既飲顏色好靚，所以就同友人試下。高山青洛神花茶($26+$8轉樽裝)，初初好怕會好甜同埋洛神花會係假甜，但原來一啲都唔甜，只有淡淡的甜味，洛神花味都好出，酸酸地甜甜地咁好開胃，比起平時既洛神花茶淡左少少，相信係高山青茶溝淡了，整體個人覺得幾好飲而且顏色都幾靚！奇幻漂流($30+$8轉樽裝)，呢款飲品係有薄荷、洋甘菊、蝶豆花同蜂蜜，睇落去除左蝶豆花較涼之外，其他材料對舒緩咳都好似有點幫助。顏色看上去都幾特別，飲品味道清淡，有淡淡的薄荷及洋甘菊味，飲落幾舒服！總括黎講呢間過江龍飲品店可以再飲，因為飲品唔會好甜，岩哂唔中意飲太甜飲品既我，而且飲品顏色都幾靚！