可可豬椰香海南雞專門店

營業中

休息中

我老公好鍾意食竹絲雞，我亦都知道竹絲雞係好補身又唔燥嘅好食材！但我對於竹絲雞就麻麻，我最怕食到啲肉好鞋口！今日路經呢間海南雞專門店，竟然有一款《首創竹絲海南雞》，忍唔住由紅磡帶返天水圍俾佢品嘗吓🤪🐦首創竹絲海南雞飯望落好似平平無奇咁，但一食入口就好有驚喜！肉質竟然嫩滑無比，而且非常入味🤩呢種味道同口感簡直顛倒咗我思維🤯原來竹絲雞可以整得咁香滑😋對唔住！我錯啦🙇🏻‍♀️竹絲海南雞簡直一流，配埋椰香飯，令人食到停唔到口！🐤特色椰香海南雞飯對比竹絲雞嚟講，雞件比較大啲！同樣都係嫩滑無比，亦都非常入味！雞又唔會過肥，整得好出色，好好味！椰香飯夠多，仲要煮到粒粒分明！點埋個雞醬仲更加惹味！勁正👍🏻同喺泰國食嘅味道一樣👍🏻正👍🏻正仲有送哂個湯，入面白蘿蔔夠甜，湯夠清😍🥢泰式酸辣無骨鳳爪無骨鳳爪好爽口👍🏻泰式汁夠哂開胃！酸辣味適中！入面勁多木瓜絲做沙律🥗而且切到每條都好平均，又唔會過粗或過幼！最抵讚係木瓜絲口感夠爽脆，食材夠新鮮😍其實每個飯都有跟一啲木瓜絲沙律，令到食慾大增😋😋😋😋🧉熱情豐盛一支幾特別嘅飲品，第一啖飲落覺得幾淡口嘅！但當我食咗第一啖海南雞飯後，再飲呢支飲品，味道就出哂嚟！飲得出有熱情果