Four X Four (已搬遷) 新店位置

作為顯徑邨既街坊，見到係顯徑谷有好多街坊推介呢間新開既餐廳，Four X Four，所以襯今日星期日就去試下。聞說係四位年青人開既餐廳，好佩服佢地實踐自己既夢想。入到鋪頭，我將手袋放左係地下，職員好細心咁幫我放返上凳，真係要讚下呢個窩心舉動。我叫左lunch set既all day breakfast ($78)，包左餐湯(蕃茄紅湯)。佢入面都幾多款食物，炒蛋，蕃茄，腸，煙肉，茄汁豆，多士，蘑菇，沙律菜。份量都幾豐富，食物味道唔多調味，味道比較Raw，我覺得係中上之選。另外，佢係包飲品，但我加左$10，點左焦糖瑪其朵，我覺得拉花好靚，同埋好好好好飲，真心推介！食完後覺得好chill好relaxed，顯徑邨好少呢類餐廳，建議大家去試下。同埋佢無加一服務費，所以呢個brunch盛惠88元。