芋圓屋

營業中

休息中

小店位置唔算容易搵，建議喺大路加一個提示牌，方便客人。嗰晚我哋10:00去到，都仲有幾台客人等緊外賣，我哋好好彩有張枱就走，即刻可以坐低🥰我哋點咗開心大滿足，芒果沙冰寒天，仲外賣咗一個姜桃番薯糖水。開心大滿足真係超大碗，裏面有好多餸，三色芋圓，芋泥波，愛玉凍，珍珠西米等等。顏色色彩繽紛，見到都開心。最鍾意芋泥波，軟綿綿又唔會太甜，配其他甜甜地嘅配料一齊食好夾。另外芒果寒天沙冰，夏天食真係一流，夠晒冰凍，而且芒果夠甜。啲寒天係星星形狀好吸睛😁整體來講，睇得出小店好用心製作每一道甜品，下次去開顯徑都會再幫襯。