利強記北角雞蛋仔 (已結業)

以前無論去邊間利強記都排隊排到傻，今日咁啱去開灣仔，呢間都無人排隊之餘，仲要有特價25蚊兩底。由於我一個人食唔到咁多，14蚊一底照殺！一如以往佢地嘅雞蛋仔都係十分之香脆可口嘅，同時唔會覺得佢脆到硬。以前食佢啲蛋香味極濃，覺得周圍都食唔到有佢咁香蛋味嘅雞蛋仔。不過今次真係令我超級失望。佢除咗keep到個熱同脆之外，啲味道完全唔見晒。我可以話係淡而無味咖。蛋味無咗都算，佢連甜味都無：（唔怪之得唔駛排隊兼有優惠啦。唉 係咪所有店出咗名之前就保持唔到水準嘅呢？大失所望，只能比5/10，其中一分大概係感情分吧