五斗米 (厚和街)

營業中

休息中

堅尼地城一橫街發現呢間台式小店, 店鋪雖小, 但食物種類都算多。凍飲冬瓜茶、台式奶茶係直接喺雪櫃倒出黎, 冇加冰都夠凍, 又唔會俾冰溝淡飲品味道。冬瓜茶望落顏色淡, 但飲落夠味亦唔會好甜。台式奶茶同樣唔會好甜但有風味。麻辣牛肉麵湯底好香牛肉味, 唔太辣，麵有咬口。台式麻辣燙配飯, 比牛肉麵辣一點, 入面有肥牛、花枝丸、蜂巢豆腐、菜, 蜂巢豆腐吸左啲湯好味, 但要小心真係好燙 。玉米起司蛋餅看似平凡, 食落有驚喜。外皮香脆惹味, 內裡都有好多芝士。九份芋圓冇得飛, 喺香港都食到, 好煙韌彈牙。