德記大排檔

營業中

休息中

星期日同朋友喺大圍踩完單車，要補充體力，大家一致認為要食雞粥，於是朋友就帶住我地去到火炭搵食。4個人叫左個大雞粥，雞肉明顯用鹽醃左好耐，入哂味，好夠鹹。鹹鮮味令雞粥亦都好夠味，粒粒米花都煲到漲大，粥底綿滑。乳鴿係炸嘅，皮脆肉嫩又多汁，我地4個人叫左兩隻，每人食半隻都食到好多肉，肉厚肥美，必食👍🏻👍🏻👍🏻😋椒鹽多春魚非常香口，炸到脆卜卜。而且每條多春魚個肚都脹卜卜好多魚春，正！京都豬扒較一般，豬扒偏瘦，食左兩舊都唔算好鬆化。另外我地仲叫左碟蒜蓉白菜仔，都大大碟。