尚品餐室 (已結業)

聽其他人講深水埗區多特色風味的自家食店，所以就黎尋下寶啦！果然俾我尋到！哈哈！潮汕肉碎雞粥大碗夾抵食！價錢公道，兩個人食都夠呀！用料十足，好多雞肉同肉碎，加埋煲到棉棉得黎又有米粒飽肚感的粥底，超級入味！配埋香葱等的調味，好食到不得了！風沙椒鹽九肚魚必食推介！係我食過最好食的九肚魚！魚肉嫩滑鮮甜，外皮炸得好薄，真材實料！加上落足料，完全吾鄙吝的椒鹽，風味十足！食到停吾到口，成碟清哂！腐乳炒通菜超大碟！勁抵食！通菜又夠青綠新鮮，咬落好爽口！加埋重料腐乳爆炒，少少辣得黎，多多滋味！好正！