保食屋 (已結業)

去完日本無耐，心思思想食返日本野，咁岩見到屋企附近開左間新既日本菜，又有我最掛住既鰻魚飯，一於同朋友黎食下一打開menu,發現原來都有唔少既港式菜選擇，唔係凈係得日本野，選擇都幾多，不過一場黎到，梗係要試佢d重頭菜， 鰻魚飯啦原條蒲燒鰻魚飯真實條鰻魚同圖片一樣咁大，絕無欺場，食落去口感好豐富結實彈牙，同平時食開果d鰻魚口感比較單薄既鰻魚差好遠，就算用筷子夾開都要整幾下先分得開，而鰻魚汁如果可以再多d同鰻魚可以再熱返少少就更佳鰻魚炒飯整餐入面我最中意呢道菜，厚實鰻魚切粒，配上香口既汁料同煙un珍珠米，加上炒得好有鑊氣，上菜時熱度十分足夠，因此好快已經清哂野菌炒雜菜呢味菜帶俾我唔少驚喜，平時係街外食既椰菜通常炒得比較淋，但可能因此佢爆炒既關係，椰菜仍然保持鮮綠，而冬菇亦採用左鮮冬菇，食落唔會好硬好un炸魷魚雖然經過油炸處理，但魷魚咬口仍然十分彈牙，唔會太多炸粉，而且魷魚都算大條麵豉湯平時係街到飲既麵豉湯都好咸好濃味，但呢到咸淡適中，仍然保持麵豉香味，味道不俗