大澳德發 (已結業)

年尾老友約食飯，佢話過去一年，大家冇穿冇爛，健健康康地渡過，都好開心😆。放咗工行完Sogo後，佢揀咗呢間食水上人家菜，佢話好正，唔使入大澳都有得食。🐷漁村三寶蒸肉餅$108肉餅上有蝦乾🦐、魷魚乾、銀魚乾，肉餅吸收了海味的鹹香惹味，增加味道層次感，送飯🍚一流。😋🐟香蔥鮑魚龍躉骨$168一上枱，香噴噴，以蒜子、乾葱片、紅椒、洋蔥及雜菌把龍躉及鮮鮑炒得好香，好惹味。龍躉肉肉厚，啖啖肉，鮑魚彈牙。🥬薑汁炒芥蘭$78翠綠嘅芥蘭，以薑汁炒，爽脆清甜。🍹自家製檸檬薏米水$25生熟薏米、檸檬🍋、蜜棗等一起煲，微酸微甜，美白去濕，好正。