豪門小菜火鍋

營業中

休息中

今日政府派消費卷，老友相約咗在九龍城附近行街”燒”卷，佢亦推介既地道小炒，原來除咗泰國菜之外，仲有啲平民小店，餐廳裝修簡約，當中最出名新鮮既龍蝦伊麵，而且菜式價錢親民，份量之大相當抵食，性價比高❗我們一行2人惠顧了菜式：1️⃣上湯龍蝦伊麵鋪面已經養殖著生猛既龍蝦，當然要一戰，可以㨂上湯或者芝士仲可轉烏冬架！ 店員捧著大大碟既上湯龍蝦伊面，非常震撼，揀上湯可以食到龍蝦既鮮味，而且非常彈牙，伊面亦都盡吸龍蝦既精華，令你食過不停！2️⃣蒜蓉粉絲蒸扇貝及蟶子食到新鮮既龍蝦，緊係唔好俾佢停，仲有大大隻既扇貝及蟶子，粉絲吸收海鮮既鮮味及蒜蓉既香味，再加上主角鮮味四溢既扇貝及蟶子，簡單既煮法，已經滿足你口腹之慾！3️⃣椒鹽鮮魷地道小炒點小得我至愛既椒鹽鮮魷，全部新鮮滾熱辣大大碟，廚師炸得外脆內軟，點埋嗰喼汁仲將品道昇華。4️⃣椒鹽豬扒食肉獸既友人就點咗椒鹽豬扒，同樣地即叫即炒，食落豬扒有啖啖咸香同微辣既味道，而且仲保留到當中肉汁，讚！5️⃣魚湯浸時蔬以鮮香魚湯浸泡新鮮翠綠時令蔬菜，味道清新怡人。6️⃣飲品食住啲熱辣辣既菜式，緊係要叫返支冰凍既汽水，而且呢度係玻璃樽裝，店員拎過仲有大量氣泡湧上黎，飲落當然十分涼快，一個字爽！