陳儀興飯店 (崇齡街)

營業中

休息中

潮洲打冷老字號，店內嘅裝潢加上經典圓枱同朋友嚟食吓鹵水鵝、炸蠔餅、潮洲凍魚等經典菜式，仲可以啤一啤好有氣氛🍻🔖［ 鹵水鵝片 ］打冷必點菜式，鵝片厚度平均，食到陣陣滷水香，肉質軟腍嫩滑夠哂入味，薄薄的鵝皮脂肪比例唔多，有油香而唔會膩伴碟有嫩滑滷水豆腐，點上滷水汁又係一絕🔖［ 潮州凍魚］凍魚係潮洲菜一大特色，魚肉厚身多汁，調味恰到好處，同時食到魚肉本身嘅鮮甜，配上普寧豆醬，食落多一份鹹香，口感清爽好啱熱天食🔖［ 椒鹽瀨尿蝦 ］金金黃黃賣相好靚，瀨尿蝦大大隻好吸引😍蝦肉爽彈啖啖肉，食嘅時候再沾上炸蒜粒更加香口惹味😙