十二味 (山市樓) (已結業)

話說星期日心癢癢想去食辣野，順便去行吓西環嗰邊探下親戚。見到呢間餐廳門外嘅設計。令我想起以前打機嘅其中一隻遊戲，所以我就走左入去食啦。香鍋加配菜：今次我地叫鮮蝦、雞軟骨、萵筍、豆皮同寬粉。雞軟骨食落好爽水口，一個有食軟骨嘅啪啪聲。廚師已經幫D蝦去左蝦殻：食落去好有蝦味。萵荀好爽口，顏色又夠翠綠。豆皮係我第一次食，食落去個陣好辣：完全索哂花辣嘅辣味。呢個香鍋最好有碗白飯就好啦...雲耳酸辣木耳：食落去好爽口、味道有醋嘅酸味，辣度對我而言，辣得唔搶個個酸味。餐具餐具都幾乾淨，最特別就係隻碗，不規則嘅設計。門口門口裝飾掛咗大紅燈籠，仲有屋簷嘅設計：好有中國嘅色彩。裝修餐廳入邊嘅設計頗為極度中式。有中國嘅功夫熊貓做屏風：亦有馬賽克設計嘅六角形屏風：屏風用綠色做主色，感覺極為創新。餐牌餐牌有兩面，有一張A3 size咁大。有清楚寫明面款菜式有辣有唔辣：有清楚寫明價錢。亦都有清楚分類小食、香鍋等等嘅食物。