麻痺雞 (已結業)

曾經經過麻痹雞，見到幾檯食客喺店門外開枱食雞煲，場面虛陷之餘，亦好似好有風味，當時已經好想試，今日終於輪到我同朋友黎啦！呢度係半任食火鍋，飲品同大部份配料都係免費任點，除咗某幾樣海鮮同肉類先要加錢，仲要冇加一，相當抵食。「麻痺雞」（正宗重慶雞煲）（$158/位）我哋選咗大辣，真係食到人㷫烚烚，雞煲好入味，雞肉亦嫩滑，唔怪得知係招牌。食晒啲雞就加湯打邊爐啦，加完湯味道都係咁濃郁，湯底真係冇得彈！手切安格斯肥牛 （$168/大）牛肉切得好薄，好有牛味，記得唔好淥咁耐。廣島生蠔 （$58/6隻）好新鮮，食完真係好想追加，非常推介！北海道帶子 （$48）雖然賣相一般，但份量都唔少，又幾好味。即炸脆響鈴（$48）即炸嘅真係唔同啲，好脆，大大份，抵食。以下既就係任點既：炸魚皮、烏冬、自家製韭菜餃、粟米、清甜蘿蔔。特別要推介粟米，好甜，大愛！雖然大埔遠咗少少，鋪頭位置亦頗偏僻，但嚟呢度食雞煲好有風味，價錢又抵，一試無妨！