銀座日本料理鐵板燒 (已結業)

松菱, 和三味, 銀座的鐵板燒都很出名, 最終我都係選了銀座作為我Sunday family day的午餐!今次連同親戚一行十三人, book左間鐵板燒房, minimum charge都係$1,500, 仲可以對住風和日麗的維港景添, 真係非常非常抵! 男朋友唔食牛,所以選了海鮮餐, 有三文魚扒, 帶子, 煆, 魷魚. 牛餐有銀雪魚, 蝦, 牛可選薄燒或厚燒, 當然我選厚燒啦! 啖啖肉ma! 薄燒都好正㗎!! 薄牛片卷住D葱花, 我都食左二件. 其實個lunch menu仲有龍蝦鐵板燒, sushi set, udon set, sashimi set. 我地又貪心, 叫左十三個鐵板燒餐之餘, 仲想試吓D壽司, 所以再叫了两個sushi set. 當然唔少得炒雜菜, 炒飯/麵和日本雪糕啦!Lunch相比dinner真係相差好遠, lunch平圴二百幾一個set, 但dinner要成千蚊一個, 當然dinner有多幾款嘢食..鵝肝, 龍蝦...十三人食左$3500, 唔駛三百蚊有咁高質素的日本鐵板燒和靚絕的維港景...一定會再幫襯!