影片
更多
2024-09-04
558 瀏覽
同樣一個菜式，同樣一個主題，有啲乜嘢會令你選擇一間餐廳多於另外一間，好多時候都係因為感覺。而感覺好多時候又係來自於記憶。如果一間餐廳可以令人回憶起以前去旅行嘅一啲片段，你自然就會走入去回味一翻。泰國俾我嘅感就係陽光，植物處處，輕鬆自在同埋色彩繽紛。呢間餐廳高樓底，有戶外空間，以好多植物去裝飾，而且食物色彩奪目。絕對會令我回味去泰國旅行輕鬆時光。 🍖食物方面都好地道，一開始就叫咗椰子雞湯，佢唔靠味精去吊起個味，而係透過椰奶，帶出香煎過既雞肉同埋香料嘅味道。口味唔會太咸，但絕對滲出淡淡嘅椰香同鮮味。奶白色既雞湯，完全俾到夏天清新嘅感覺。 🍖馬沙文咖喱雞，鍾意呢一個咖哩裏邊有果仁嘅味道，唔單單係眼見嘅腰果，裡面應該亦都有加入，佢嘅好處係令到咖喱更加香，再加埋椰漿，好富有亞熱帶地區風情。配合埋漲卜卜嘅手抓餅，澱粉質更加昇華咖喱嘅味道。最重要系個手抓餅熱辣辣咁上，第一站咬落去真係辣親個嘴。新鮮嘅特別好味。 🍖馬拉盞炒菜心，個菜炒得好鮮綠，馬拉盞夠曬惹味。而且上面有一啲櫻花蝦，紅色襯綠色，刺激眼球就等於刺激食慾。而最色彩豐富嘅就梗係芒果糯米飯，用蝶豆花染成藍色既糯米飯，熱辣辣，撞落去涼浸浸又甜嘅芒
🍖食物方面都好地道，一開始就叫咗椰子雞湯，佢唔靠味精去吊起個味，而係透過椰奶，帶出香煎過既雞肉同埋香料嘅味道。口味唔會太咸，但絕對滲出淡淡嘅椰香同鮮味。奶白色既雞湯，完全俾到夏天清新嘅感覺。
🍖馬沙文咖喱雞，鍾意呢一個咖哩裏邊有果仁嘅味道，唔單單係眼見嘅腰果，裡面應該亦都有加入，佢嘅好處係令到咖喱更加香，再加埋椰漿，好富有亞熱帶地區風情。配合埋漲卜卜嘅手抓餅，澱粉質更加昇華咖喱嘅味道。最重要系個手抓餅熱辣辣咁上，第一站咬落去真係辣親個嘴。新鮮嘅特別好味。
🍖馬拉盞炒菜心，個菜炒得好鮮綠，馬拉盞夠曬惹味。而且上面有一啲櫻花蝦，紅色襯綠色，刺激眼球就等於刺激食慾。而最色彩豐富嘅就梗係芒果糯米飯，用蝶豆花染成藍色既糯米飯，熱辣辣，撞落去涼浸浸又甜嘅芒果度，出色。
🍺食物有咁多顏色，飲品都唔會執輸，三色冰平時已經好 colorful 今次連個杯面都用咗糖絲，一路飲，下邊嘅三色珍多好有咬口，椰汁都非常清爽，而去到最後，將糖絲融埋入去個椰汁入邊，香甜嘅味道好適合女仔，如果你同行嘅女友人話怕太甜，不妨補多句，邊度夠你甜吖，為成餐飯畫上完美嘅句號。
張貼
