安記士多

營業中

休息中

上星期日同太太行西貢，十點幾由西灣亭起步，經過西灣，再行過鹹田灣，行過著名的獨木橋，剛剛夠鐘食飯，鹹田灣得兩檔食肆可供選擇，最後選了外表較企理凡安記。呢度名副其實風涼水冷，對住無敵大海景食飯。有有蓋或露天兩部份，天氣唔曬我們當然坐露天啦！星期日行山人士眾多，呢度都唔少人幫襯的。食物都係炒粉麵飯公仔麵湯河米等等港式野，我們都唔係太肚餓，所以只叫了碟咖哩叉燒炒米，呢味餐牌無，不過此等店舖想食佢地都應可以照做，出聲就得。炒米，碟頭反而不反想像中的大，即叫即炒夠鑊氣，落足配料如蔥段及洋蔥，在這山卡啦地方食到這個水準算幾好；另外在店主溫先生的大力推介下叫了碟炸雞翼，醃得算入味，都唔錯。連啤酒汽水各一枝，埋單近一百，絕對唔算平，不過行到咁偏僻的地方，如果想食野又確係無咩選擇，下一個補給站已經要去到赤徑咁遠，而呢度又係整得味道不錯的。