峇里餐廳 (已搬遷) 新店位置

四點落咗8號風球，七點半原本想去金蘋果餐廳食扒兼傾計，點知無開......行到去呢間外表殘舊嘅印尼菜門口，見到d咁暗嘅燈光，有少少唔想入，但係入咗去坐低之後，又覺得都幾有情調丫。三個人叫咗四樣野：咖哩雞飯－－不過不失。梭多雞湯飯－－酸酸地味道OK，但係d雞份量偏少......牛尾湯飯－－我個friend嫌牛尾有雪味，但係個湯一致讚好，一入口就覺得好甜、味道好濃好正 印尼煎餅－－正，趁熱食好香，尤其是個咖哩汁更加係靈魂，意外驚喜 小插曲：有人話個toilet塊鏡好有Halloween感覺......但係我唔覺lor 下次如果經過，應該會再黎食煎餅。