古早味台灣原味 (已結業)

疫症持續，外出食飯減少，返工日子既午餐而家多咗買返公司食。而見到開飯有個外賣折扣，而且星期四買滿$80 ，用Mastercard找數就會再減$20。響OpenRice app度落單，行到去餐廳就剛剛有得攞，唔使點等，慳到錢亦都慳到時間。叫咗一個小食椒鹽豆腐同埋小菜麻油爆雞，好有台灣風味，夠香口亦都夠濃味，麻油爆雞既薑蔥落得好足料，所以非常香口，甚有滿足感。椒鹽豆腐小食都唔錯，不過相對來講就冇咁特別啦。