颱風點心 (已結業)

颱風訊號仍然懸掛, 而我繼續搵下有咩新野食。可能受颱風影響,揀左間同颱風有關的餐廳。店入面裝修似型格颱風, 牆上用上黑雲牆紙。抬頭望見一枝一枝白燈有如閃電, 但唔會有漆黑感覺。梅菜扣肉煲仔飯$68唔落豉油都夠味,豬腩肉少肥,入口即融,軟滑。一口香酥肉$48望落好似臭豆腐落, 質地都似臭豆腐, 不過舊肉太細舊。上湯金魚餃$48賣相好精美, D魚好似係水入面游黎游去, 其實係美化左的蝦餃。鮑魚糯米雞#68飯太爛, 冇左黏的感覺, 味都有少少鹹。甘筍咸水角$38做型得意,其實佢係咸水角,味道唔錯,大大件裏面又多肉粒。希望颱風快D走啦!