影片
更多
2023-01-04
19 瀏覽
今日同好閨蜜嚟到尖沙咀，先食咗附近嘅居酒屋，再去酒吧傾吓少女心事。見到呢間做緊激安大優惠，梗係入去試吓啦👍🏻刺身日本深海池魚薄切足見師傅嘅刀工，池魚晶瑩剔透，切片完整。食落好鮮口感帶微爽，點上額外配嘅酸汁，再加入蔥花碎，鮮味更加昇華；日本室津蠔足有手掌咁大隻，睇落去肉質相當飽滿，食落去蠔汁滿瀉，厚身滑口；牡丹蝦刺身方面，師傅已經把頭身分𠝹好，食起上嚟相當方便。蝦身厚肉清甜帶微黏，蝦頭膏液豐腴！👍🏻小食前菜已經包咗墨魚仔沙律，爽爽彈彈嘅口感令人鍾情；額外點左個芥末八爪魚，芥末味道唔係好重，八爪魚亦冇乜起筋，頗為開胃；雞泡魚燒得乾身，入口更帶點甜絲絲的，可以點上沙律醬，更加滋味。👍🏻壽司壽司分別點左兩款：碎蔥吞拿魚腩及三文魚子，兩款軍艦紫菜相當脆身，吞拿魚腩蓉推得滿而不瀉，味道唔腥；三文魚子多汁，味道鹹鮮。👍🏻串燒去得居酒屋當然要點上幾款串燒：和牛串、雞主翼、牛舌串、雞皮串。和牛串極度Juicy肉質軟淋、雞翼好有日本風味，少少岩鹽作調味，香脆肉嫩；牛舌中規中矩，亦夠爽彈、雞皮燒得出色，質地乾身，脆卜卜嘅口感不帶半分油脂感。👍🏻熱食最後要咗一碗熱湯烏冬，鰹魚湯唔會太鹹，稻庭烏冬滑溜，作為整餐
👍🏻刺身
日本深海池魚薄切足見師傅嘅刀工，池魚晶瑩剔透，切片完整。食落好鮮口感帶微爽，點上額外配嘅酸汁，再加入蔥花碎，鮮味更加昇華；日本室津蠔足有手掌咁大隻，睇落去肉質相當飽滿，食落去蠔汁滿瀉，厚身滑口；牡丹蝦刺身方面，師傅已經把頭身分𠝹好，食起上嚟相當方便。蝦身厚肉清甜帶微黏，蝦頭膏液豐腴！
👍🏻小食
前菜已經包咗墨魚仔沙律，爽爽彈彈嘅口感令人鍾情；額外點左個芥末八爪魚，芥末味道唔係好重，八爪魚亦冇乜起筋，頗為開胃；雞泡魚燒得乾身，入口更帶點甜絲絲的，可以點上沙律醬，更加滋味。
👍🏻壽司
壽司分別點左兩款：碎蔥吞拿魚腩及三文魚子，兩款軍艦紫菜相當脆身，吞拿魚腩蓉推得滿而不瀉，味道唔腥；三文魚子多汁，味道鹹鮮。
👍🏻串燒
去得居酒屋當然要點上幾款串燒：和牛串、
雞主翼、牛舌串、雞皮串。和牛串極度Juicy肉質軟淋、雞翼好有日本風味，少少岩鹽作調味，香脆肉嫩；牛舌中規中矩，亦夠爽彈、雞皮燒得出色，質地乾身，脆卜卜嘅口感不帶半分油脂感。
👍🏻熱食
最後要咗一碗熱湯烏冬，鰹魚湯唔會太鹹，稻庭烏冬滑溜，作為整餐飯嘅收尾，絕對係暖胃之選。
張貼
