影片
更多
2006-08-23
1 瀏覽
昨夜又係Openrice飯局之日子,今次吃的,是很多人視如畏途的麻辣川菜,地點係私房形式的"四姐".一行三圍,三十幾個"麻辣狂人",聚集在第二層地獄.準備跳落血肉池林之跑道,場地狀況係大爛地.路程二千米.所有戰友入晒閘,司閘員白旗舉高,準備....一起步,先來個唔辣的蒜泥青瓜,所有戰友無脫腳,肺片,再豬耳,口水雞,牛肚,酸辣粉.一字長蛇陣,頭馬均速地帶離兩個馬位.全程未受考驗,清風送爽.辣粉很爽口,蒜泥青瓜唔辣,對一些越級挑戰的戰友黎講,實在一個很好多開胃菜.去到千二米段柱,眾人一杯Sparkling wine間一間場.先來個"川式"咸蛋黃炒蟹,頭馬依然保持廿三秒六的段速."川"式咸蛋黃炒蟹,有別坊間的做法,咸蛋黃份量較少,大致上無甚分別.接下來的一千米段柱,辣子大蝦開始來料,眾人亦開始比反應.蝦肉也很鮮,但辣味亦開始慢慢上.不過,都未算好辣.經過泉水雞,血池內的胡椒粒,有如龍潭老鼠.雞肉斬晒件,細細件容易食,都仲未好辣.落到去大石斜坡,與香辣蟹相遇,蟹身辣在殼本身,一拿上手燙得跌鞭,肉質依然很鮮,去到呢個階段,亦開始要推騎.之後的糖醋里脊,完全唔辣,可以回一回氣.轉入去最後直路,今夜
所有戰友入晒閘,司閘員白旗舉高,準備....
一起步,先來個唔辣的蒜泥青瓜,所有戰友無脫腳,肺片,再豬耳,口水雞,牛肚,酸辣粉.一字長蛇陣,頭馬均速地帶離兩個馬位.全程未受考驗,清風送爽.辣粉很爽口,蒜泥青瓜唔辣,對一些越級挑戰的戰友黎講,實在一個很好多開胃菜.
去到千二米段柱,眾人一杯Sparkling wine間一間場.先來個"川式"咸蛋黃炒蟹,頭馬依然保持廿三秒六的段速.
"川"式咸蛋黃炒蟹,有別坊間的做法,咸蛋黃份量較少,大致上無甚分別.接下來的一千米段柱,辣子大蝦開始來料,眾人亦開始比反應.蝦肉也很鮮,但辣味亦開始慢慢上.不過,都未算好辣.經過泉水雞,血池內的胡椒粒,有如龍潭老鼠.雞肉斬晒件,細細件容易食,都仲未好辣.
落到去大石斜坡,與香辣蟹相遇,蟹身辣在殼本身,一拿上手燙得跌鞭,肉質依然很鮮,去到呢個階段,亦開始要推騎.之後的糖醋里脊,完全唔辣,可以回一回氣.
轉入去最後直路,今夜用A跑道作賽,感覺如在東京馬場鬥直路.四季豆,肚絲,牛肚,回鍋肉窩巴,亦因長直路關係,而未去催策,當一大窩未上桌,已聞其"攻"鼻香的水煮魚,終如去到高潮位,只見眾戰友在血肉池林的跑道上,車輪鞭雪花蓋頂出齊,騎到打晒樁.講番魚肉,真係嫩滑.連紅椒,底部的粉絲一起吃,才能對此菜式稱得上鞫躬盡瘁.果種麻痺感覺,已經引領大家去左太虛世界.
去到最後一百米,幾十個戰友並駕齊驅,上演年前香港金盃七馬齊衝之經典.最後的麻辣麵,麵條幾爽,加些胡椒,再一次麻痺,真係好過去索野.搭上迷幻列車,完全迷上癮.
當所有戰友落馬,個個面紅耳熱,滿頭大汗.功德圓滿.
由年頭開始接觸麻辣菜開始,味覺突然打開一片火紅的天.一發不可收拾,連桌上其他食友見我吃得如此施施然,面不紅,汗也一流,也覺得嘖嘖為奇.你以前好似唔受得架.)呢種隱藏潛力,連我自己都唔知.
果真難為正邪定分界.
泡椒肚條
干煸四季豆
辣子大蝦
水煮魚
香辣蟹
蛋黃蟹
糖醋里脊
泉水雞
泡椒牛毛肚
毛血旺,呢個無貨,轉左回鍋肉窩巴.
張貼
