牛角日本燒肉專門店 (屯門市廣場1期)

營業中

休息中

早前因為中華電力喺朗屏嘅電纜發生大火，所以中電就向受影響嘅居民派發共一百元嘅心意券，朋友用唔著就俾咗我，初初都唔知點用好，一睇個list 見到有牛角，就決定嚟多多吃肉。平日早割時間(18:00前)嚟，完全唔使等位，餐廳座位非常闊落。一開始就叫左唔同嘅前菜試下，食下啲蔬菜之後先大快朵頤咁食肉，基本上冇一款牛肉係唔好食，每款都好香牛味，只係肉質有唔同嘅韌度，同埋唔同嘅油脂分布。特別想讚嘅係牛肚好爽，腸亦清得好乾淨。另外雞同豬都好唔錯。好開心佢有蒜片同生菜叫，咁就可以用韓式食法😆，只不過爭左個韓式醬。