那個ㄋㄚˋ ㄍㄜ˙ (埃華街) (已搬遷) 新店位置

睇開電視介紹，好吸引，咪專登搭車嚟試下。🤩🤩一入舖頭，坐低即時覺得冷氣唔夠，好鬼焗，大大陣油煙味，心諗唔通冷氣壞左。🥵🥵🥵滿心期待，叫左 ＜勝利雙腸滷肉便當＞，同一份＜香酥排骨便當＞。好快食物放低，賣相都好靚。但咬落塊豬扒怪怪地，係勁大塊勁厚肉，但無味又乾乾地，食左2啖都唔想食了（唔想浪費食物，打包拎走）。朋友叫的勝利雙腸滷肉便當，台灣腸係幾好味，但滷肉d瘦位好鬼鞋，個汁得個甜字，唔香又唔惹味，好失望。本來想下次再嚟食其他。但朋友話，都無下次了。😅😅總括，成餐飯最ok係台灣腸 + 杯飲品 + 花枝丸。網民話d服務麻麻，雖然都唔算勁好，但問過d職員野，都算客氣有禮貌。