李家 (筲箕灣道) (已結業)

一行3日去食午餐，叫咗一個海鮮軟豆腐套餐同2款口味嘅炸雞。幅相（圖1）係食到一半先記得影，但係嗰海鮮豆腐湯一開始已經係咁稀，味道好似辣椒粉加水，辛辣麵嘅湯底都好飲過佢。另外，炸雞就叫蜂蜜蒜味同芝士調味（圖2&3），上枱都夠熱辣辣，但係肉質比較乾唔夠juicy。蜂蜜蒜味嘅汁唔夠稠好快流曬，要蘸多幾次汁先夠味；另外芝士調味嘅炸雞就咁灑啲芝士粉喺上面，但係炸雞脆皮係痴唔實啲芝士粉，一拎起啲粉已經跌咗一半😓我建議一係就整啲半熔嘅芝士淋係面先再灑芝士粉。其實我係見到其他人寫嘅好評我先去試吓，但係現實同好評落差實在太大，所以我決定寫返我嘅感受出嚟～