星宇麵館 (已結業)

難得響天水圍北, 搵到食上海野的店舖, 一於入去試食喇。舖頭細細, 但裝修唔錯, 見人流都幾多, 就去試食。是晚一家4口叫左鹵水雞亦湯麵, 醉雞湯麵, 紅燒牛腩麵, 鎮江排骨。上菜速度都快, 醉雞好味, 麵就清淡無味(因為分開麵和餸), 紅燒牛腩麵, 一睇已經見到好多油浮響麵, 食一啖就feel到成口油, 要用紙巾抹嘴先可以再食第二啖, 麵質係好食又滑, 但個湯底唔得, 同店員講, 仲話已經少油喇😨。連平時對食無咩要求的大仔都話, 唔會再嚟第2次囉。