星林居雲南米線餐廳 (已結業)

係尖沙咀行街餓餓地都會諗起星林居。太吸引，又平又好味。🤤兩個人去食，可以淨係叫一碗嘢面， 如果想一碗麵加一個飲品， 咁個飲品收正價。(就冇得用跟餐優惠喇) 個人覺得咁都幾好幾方便。佢上面有點餐紙自己揀完寫完就ok lu。我今次叫左明火小鍋米線，送有蘿蔔同豬紅(小中辣，普通酸，走九) 我覺得好細心，除咗畀客人揀唔同嘅辣度之外，仲有“酸度“可以揀， 可以隨個人喜好而選擇最岩自己胃口嘅麵。p.s. 之前揀過非常酸， 辣得黎好酸嘅感覺好正，但個胃頂唔順胃痛。。🙊🙊碗麵嚟到超級滿， 成個碗邊都係汁，感覺有啲“那渣“。味道方面，真心好味，又酸又辣好過癮，佢會有肉碎，感覺個碗面好豐富，蘿蔔好清甜，可以中和一下。份量好多，一碗夠晒飽。唔知係咪有旅遊書介紹過， 好耐都幾多遊客下。 😂